Emaús Bilbao, enpresa-egitasmo baino gehiago, gizarte egitasmo edo egitasmo sozial eta solidario gisa egituratu eta garatu egin da. Bere helburu sozialari aurre egiteko, ondakinen kudeketaz gain, haserako aktibitateari loturiko beste ekintza batzuei ere aurre egin die; logistika eta banaketako zerbitzuak (garraioa), garbiketa zerbitzuak eta ondasun publikoen mantenu zerbitzuak, besteak beste. Azken urteotan, merkatuko eskaerei erantzun emateko eta legediak finkatutako arauetara moldatzeko, EMAÚS-Bilbao barne egituraketa prozesu batean murgildurik egon da. Egokitzapen horrek sozialki bazterturik dauden pertsonen beharretara hobeto erantzutea ekarri du, baina, aldiberean, prozesu horrek barne tirabirak ere sortarazi egin ditu. Desadostasunak soldata politikan, parte-hartze aktiboan, pertsonalaren motibazioan zein barne komunikazio ekintzetan eman dira batik bat. Horiek dira, hain zuzen ere, ondoren ikertzen diren kontuak.