Vidrala, bere lau hamarkadako historian, inguru egonkor eta babestuan lan egiten zuen enpresa lokala izatetik gero eta azkarrago aldatzen den merkatu gogorrago batean lehiatu behar duen lantegi batzuetako enpresa multinazionala izatera pasatu da. Eskaintzaren kontzentrazio prozesuaren ondorioz, gaur egun bost taldek hartzen dute lehen askoz banatuago zegoen merkatuaren %82. Vidralak talde horietako bat izatea lortu du, Europako merkatuaren %7 duela eta errentagarritasunean lehena delarik. Horretara iristeko, bereizteko aukerarik apenas duen sektore heldu batean gainera, ahalegin handia egin du jardueraren arlo guztien kudeaketan: produktuan eta produkzio prozesuan, garapen teknologikoan, marketinean, antolaketan eta giza baliabideetan... eta aldaketa nabarmena estrategian. Horri esker, hazkunde ikusgarria izan du azken urteotan hiru lantegi xurgatuta, euretariko bi atzerrian, eta enpresa nazioartera zabaldu du.